23.12.2010

Jólaskólamót 2010

Skólasamstarf TBR og grunnskólanna sem voru með börn í kennslu á haustönn lauk með pompi og prakt í gær, 22. des, þegar jólaskólamótið var haldið. Jólaskólamótið er hápunkturinn á samstarfi TBR og sex grunnskóla í Reykjavík; Austurbæjarskóla, Álftamýrarskóla, Hvassaleitisskóla, Langholtsskóla, Laugarnesskóla og Vogaskóla.

Börn í 4. bekk fá fría kennslu í eina önn og gefins spaða frá TBR. Skólasamstarfið er einn stærsti liðurinn í útbreiðslustarfi félagsins.

Mótið heppnaðist mjög vel og fengu allir að spila 3 leiki. Mótið er vinamót sem þýðir að allir eru sigurvegarar og allir fá verðlaun. Reynt verður að búa til æfingatíma fyrir þá sem vilja halda áfram eftir áramót

Skólasamstarfið heldur svo áfram eftir áramót þegar aðrir skólar byrja. Einnig er hægt að lesa meira um skólasamstarfið með því að smella hér